საბანკო დავალიანების გამო უძრავი ქონების დაკარგვის საფრთხე ერთ-ერთი ყველაზე მძიმე გამოწვევაა მსესხებლისთვის. ხშირად მოქალაქეებმა არ იციან, რომ ბანკს აქვს ბერკეტი, სასამართლოს გარეშეც დაიწყოს ქონების რეალიზაცია, თუმცა ამ პროცესში კვალიფიციური ადვოკატის ჩართვა რადიკალურად ცვლის სურათს.
ქონების აუქციონზე გატანა სასამართლოს გარეშე: რა უნდა გაითვალისწინოთ?
როდესაც ბანკთან დებთ სესხისა და იპოთეკის ხელშეკრულებას, მასში თითქმის ყოველთვის არის ჩადებული პუნქტი სპეციალისტის მეშვეობით ქონების რეალიზაციის შესახებ. ეს ნიშნავს, რომ გადახდის ვადების დარღვევის შემთხვევაში, ბანკს უფლება აქვს, გვერდი აუაროს სასამართლო განხილვებს (რომელიც წლები გრძელდება) და პირდაპირ დანიშნოს აუქციონი სპეციალისტის მეშვეობით.
1. როგორ მუშაობს “სპეციალისტის რეალიზაცია”?
ბანკი ნიშნავს სპეციალისტს, რომელიც ვალდებულია:
- გაუგზავნოს შეტყობინება მოვალეს აუქციონის დანიშვნის შესახებ.
- შეაფასოს ქონება (ხშირად ეს შეფასება საბაზრო ღირებულებაზე დაბალია).
- გამოაქვეყნოს განცხადება აუქციონზე გატანის შესახებ.
2. რატომ არის ეს საფრთხის შემცველი?
სასამართლოს გარეშე მიმდინარე პროცესი არის ძალიან სწრაფი. თუ მსესხებელი არ მოქმედებს ოპერატიულად, ქონება შესაძლოა რამდენიმე კვირაში გაიყიდოს ისეთ ფასად, რომელიც მხოლოდ ბანკის დავალიანებას ფარავს და მფლობელს არაფერი რჩება.
3. როგორ ეხმარება ადვოკატი ამ პრობლემის მოგვარებაში?
ბევრი ფიქრობს, რომ თუ ხელშეკრულებას ხელი მოაწერა, პროცესი შეუქცევადია. ეს ასე არ არის. კვალიფიციური ადვოკატი კანონის ფარგლებში იყენებს რამდენიმე სტრატეგიას:
- აუქციონის შეჩერება: ადვოკატს შეუძლია იპოვოს პროცედურული ხარვეზები (მაგ: არასწორი შეტყობინება, ქონების არარეალური შეფასება) და სასამართლოს გზით მოითხოვოს აუქციონის შეჩერება.
- ხელშეკრულების პირობების გადასინჯვა: ხშირად საბანკო ხელშეკრულებებში არის “უმართებულო პირობები” ან ზედმეტი პირგასამტეხლოები, რომელთა გასაჩივრებაც ამცირებს დავალიანებას.
- სარჩელი და დროებითი განჩინება ადვოკატს შეაქვს სარჩელი სასამართლოში (მაგალითად, ხელშეკრულების ბათილობის ან ვალის მოცულობის დავის თაობაზე) და პარალელურად ითხოვს სარჩელის უზრუნველყოფის ღონისძიებას.
- რას ნიშნავს ეს? სასამართლოს გამოაქვს განჩინება, რომლითაც აკრძალავს აუქციონის ჩატარებას მანამ, სანამ ძირითადი დავა არ დასრულდება. ეს ავტომატურად აჩერებს სპეციალისტის მოქმედებას.
ყველაზე მნიშვნელოვანი ესეთ დროს დროულად მოხდეს ფაქტზე სამართლებრივი რეაგირება.
კითხვების ან/და კონსულტაციის შემთხვევაში დაგვიკავშირდით მითითებულ ნომერზე