მიწის რეგისტრაციის ერთ-ერთი უმნიშვნელოვანესი ეტაპი დასრულდა. 2026 წლიდან სისტემური რეგისტრაციის სახელმწიფო პროგრამა შეწყდა, რაც ნიშნავს, რომ სახელმწიფო აღარ ახორციელებს მიწის ნაკვეთების მასობრივ აზომვასა და რეგისტრაციას საკუთარი ინიციატივითა და ფინანსური რესურსით.
ამ ეტაპიდან მოქმედებს მხოლოდ სპორადული რეგისტრაციის მექანიზმი, რომლის ფარგლებშიც მიწის რეგისტრაცია სრულად ხდება მესაკუთრის პასუხისმგებლობით. აღნიშნულმა ცვლილებამ მიწის რეგისტრაციის პროცესი მნიშვნელოვნად გაართულა და გაზარდა სამართლებრივი რისკები, რომელთა მართვა პროფესიონალი იურისტის გარეშე პრაქტიკულად შეუძლებელია.
რა იცვლება მესაკუთრეებისთვის?
თუ სისტემური რეგისტრაციის პირობებში სახელმწიფო თავად უზრუნველყოფდა აზომვას, დოკუმენტაციის დამუშავებასა და რეგისტრაციას, დღეს მესაკუთრეს თავად უწევს საკუთრების უფლების მტკიცება — სრულად და კანონით დადგენილი სტანდარტებით.
სპორადული რეგისტრაციის პროცესში ყველაზე ხშირად იჩენს თავს შემდეგი პრობლემები:
საზღვრების გადაფარვა
არასწორად ან არაკვალიფიციურად შესრულებული აზომვითი ნახაზები იწვევს მეზობლებს შორის საკუთრების კონფლიქტს, რაც ხშირ შემთხვევაში გადადის მრავალწლიან სასამართლო დავებში.
დოკუმენტური ხარვეზები
საბჭოთა პერიოდის მიღება-ჩაბარების აქტები, საკომლო წიგნები, ძველი გეგმები ან ხელნაწერი ცნობები ხშირად ვერ აკმაყოფილებს საჯარო რეესტრის თანამედროვე მოთხოვნებს და საჭიროებს სამართლებრივ გადამუშავებას.
თვითნებურად დაკავებული მიწები
ასეთ ნაკვეთებზე საკუთრების უფლების მოპოვება შესაძლებელია მხოლოდ სპეციალური სამართლებრივი პროცედურით მუნიციპალიტეტის აღიარების კომისიის წინაშე სათანადო მტკიცებულებების წარდგენით.
მიწის რეგისტრაცია -რატომ აღარ არის საკმარისი მხოლოდ ამზომველის მომსახურება?
გავრცელებულია მცდარი წარმოდგენა, თითქოს მიწის რეგისტრაციისთვის საკმარისია მხოლოდ ლიცენზირებული ამზომველის გამოძახება. რეალურად, აზომვა მხოლოდ ტექნიკური ეტაპია, ხოლო რეგისტრაციის ბედი საბოლოოდ სამართლებრივ შეფასებაზეა დამოკიდებული.
სწორედ აქ ხდება იურისტის როლი გადამწყვეტი.
რას აკეთებს იურიდიული გუნდი მიწის რეგისტრაციის პროცესში?
✔ სამართლებრივი აუდიტი
იურისტი წინასწარ ამოწმებს მიწასთან დაკავშირებულ ყველა დოკუმენტს, აფასებს მათ იურიდიულ ძალას და ადგენს, აკმაყოფილებს თუ არა ისინი საჯარო რეესტრის მოთხოვნებს. ეს მნიშვნელოვნად ამცირებს რეგისტრაციის შეჩერების ან უარის რისკს.
✔ სამართლებრივი რისკების პრევენცია
იურისტი სწავლობს მიმდებარე ნაკვეთების სტატუსს, საკუთრების ისტორიასა და საჯარო რეესტრის მონაცემებს, რათა თავიდან იქნას აცილებული საზღვრების გადაფარვა და სამომავლო დავები.
✔ წარმომადგენლობა ადმინისტრაციულ ორგანოებში
საჯარო რეესტრთან, მუნიციპალიტეტთან ან აღიარების კომისიასთან ურთიერთობა მოითხოვს მკაფიო, სამართლებრივად დასაბუთებულ კომუნიკაციას. „ხარვეზის“ დადგენის შემთხვევაში იურისტი ამზადებს ოფიციალურ პასუხს, დამატებით მტკიცებულებებს ან საჩივარს.
✔ დავის პროფესიული წარმართვა
თუ მიწა უკანონოდ არის დაკავებული ან პირიქით თქვენ გედავებიან საკუთრებაზე, იურისტი უზრუნველყოფს სარჩელის ან შესაგებლის მომზადებას და თქვენს ინტერესებს იცავს სასამართლოს ყველა ინსტანციაში.
მიწა ერთ-ერთი ყველაზე ღირებული და სენსიტიური აქტივია. 2026 წლის საკანონმდებლო რეალობა მესაკუთრეებისგან მოითხოვს მეტ სიფრთხილეს, წინასწარ დაგეგმვას და პროფესიულ მხარდაჭერას მიწის რეგისტრაციისას.
იურისტთან დროული კონსულტაცია ნიშნავს:
- რეგისტრაციის პროცესის დაჩქარებას
- სამართლებრივი რისკების მინიმიზაციას
- მრავალწლიანი სასამართლო დავების თავიდან აცილებას
მიწის რეგისტრაცია დღეს აღარ არის მხოლოდ ფორმალური პროცედურა ეს არის სრულფასოვანი სამართლებრივი პროცესი, სადაც პროფესიონალი იურისტის ჩართულობა გადამწყვეტ მნიშვნელობას იძენს.