მემკვიდრეობა კანონით ვინ და რა პრინციპით იღებს ქონებას

მემკვიდრეობა კანონით: ვინ და რა პრინციპით იღებს ქონებას?

როდესაც ადამიანს ანდერძი არ აქვს დაწერილი, მისი ქონება, უფლებები და ვალდებულებები გადადის მის ნათესავებზე. კანონით მემკვიდრეობის დროს მთავარი პრინციპი რიგითობაა.

კანონი ნათესავებს ჰყოფს ხუთ რიგად. წინა რიგის თუნდაც ერთი მემკვიდრის არსებობა სრულად გამორიცხავს შემდგომი რიგის მემკვიდრეობას.

I რიგი შვილები (მათ შორის გარდაცვალების შემდეგ დაბადებული), მეუღლე, მშობლები

II რიგი დები და ძმები. (თუ ისინი ცოცხლები აღარ არიან – მათი შვილები).

III რიგი ბებია და პაპა (როგორც დედის, ისე მამის მხრიდან).

IV რიგი ბიძები, დეიდები და მამიდები.

V რიგი ბიძაშვილები, დეიდაშვილები და მამიდაშვილები

როგორ ნაწილდება წილები?

ერთი და იმავე რიგის მემკვიდრეები ქონებას თანაბრად იყოფენ. მაგალითად, თუ გარდაცვლილს დარჩა მეუღლე და ორი შვილი, ქონება სამ თანაბარ ნაწილად გაიყოფა

.შვილიშვილები: ისინი მემკვიდრეობას იღებენ მხოლოდ იმ შემთხვევაში, თუ მათი მშობელი (მამკვიდრებლის შვილი) ცოცხალი აღარ არის. მათ გადაეცემათ ზუსტად ის წილი, რაც მათ მშობელს ერგებოდა.

სავალდებულო წილი (როცა ანდერძი არსებობს) მნიშვნელოვანია იცოდეთ, რომ მაშინაც კი, თუ არსებობს ანდერძი და მამკვიდრებელმა პირველი რიგის მემკვიდრეები ქონების გარეშე დატოვა, მათ აქვთ სავალდებულო წილის მოთხოვნის უფლება. ეს წილი შეადგენს იმ ქონების ნახევარს, რასაც ისინი კანონით მემკვიდრეობის შემთხვევაში მიიღებდნენ

 ვადები და პროცედურამემკვიდრეობის მისაღებად კანონი აწესებს მკაცრ ვადებს:

6 თვე: მამკვიდრებლის გარდაცვალებიდან 6 თვის განმავლობაში მემკვიდრემ უნდა მიმართოს ნოტარიუსს სამკვიდრო მოწმობის მისაღებად.

ფაქტობრივი ფლობა: მემკვიდრეობა მიღებულად ითვლება, თუ პირი მართლაც დაეუფლა ქონებას (მაგალითად, ცხოვრობს იმ სახლში, იხდის კომუნალურებს და უვლის მას).

 უპატრონო ქონება თუ არცერთ რიგში არ მოიძებნა მემკვიდრე, ან ყველა მათგანმა უარი თქვა მემკვიდრეობაზე, ქონება გადადის სახელმწიფო საკუთრებაში.